Hindi Shayari | Kisi Ko meri MAUT se khushi mil jaaye to kya baat hai

Kitaabon ke pannon ko palat ke sochta hoon,
Yun palat jaaye meri zindagi to kyaa baat hai!

Khwaabon mein jo roz-roz milti hai,
Haqeekat me mil jaaye, to kya baat hai!


Kuch matlab ke liye to sab dhoondte hain mujhko,
Bin matlab ke jo paas aaye koi to kya baat hai!

Qatl karke to sab le jaayenge dil mera,
Koi baaton se le jaaye to kya baat hai.!

Jo apno ke begaanepan me na baat ho,
Koi ajnabee keh jaaye to kya baat hai.!

Apne zinda rehne tak khushi doonga sabko,
Kisi ko meri MAUT se khushi mil jaaye to kya baat hai.!!